ძმები კოენები

ძმები კოენების კინო
ამ ოჯახური ტანდემის ფილმოგრაფია არაერთ ნამუშევრით შემოიფარგლება.კოენებს კინოსთან შეხება ჯერკიდევ მაშინ ჰქონდათ როცა ბავშვები იყვნენ.მათ დაზოგილი ფულით შეიძინეს 8 მილიმეტრიანი კამერა და დაიწყეს საცდელი ფილმების გადაღება,მხოლოდ ფილმების ყურებისგან მიღებული გამოცდილებით.კოენები ხშირ შემთხვევაში თავადვე არიან საკუთარი ფილმების რეჟისორები,სცენარისტები,პროდიუსერები და მემონტაჟეებიც კი.ჯერ კიდევ მაშინ როდესაც ახალგაზრდები იყვნენ,ჯოელი ნიუ-ორკის უნივერსიტეტის დამთავრების შემდეგ,რეჟისორ სემ რაიმსის ასისტენტი გახდა,ფილმზე "The Evil Dead".ძმებმა კოენებმა სემ რაიმსთან ერთად კიდევ ითანამშრომლეს ფილმზე "Crimewave".
მათი ფილმები გაჯერებულია მისტიკით,უცნაური იუმორით,სევდით,ირონიით და ასე შემდეგ,რის გამოც მათ შეიძლება კინოხულიგნებიც ვუწოდოთ.
კოენებს პირველი სერიოზული წარმატება ფილმმა "Barton Fink"-მა მოუტანა.ფილმის მოგება შედარებით ნაკლები იყო ვიდრე ბიუჯეტი,მაგრამ ის კანის ფეტსივალის გამარჯვებული გახდა.ამ ფილმის შემდეგ კონებმა კიდევ არაერთი გენიალური ნამუშევარი შექმნეს.
კოენებებს ხშირად "ორთავიან რეჟისორებსაც" უწოდებენ,მათი წარმატება,გახდა რამოდენიმე რეჟისორის სტიმული,მათ შორის ქუენტინ ტარანტინოსიც.
ჯოელ კოენი და ფრენსის მაკდორმანდი 1984 წელს დაქორწინდნენ.მათ ჰყავთ ვაჟი.ფრენსისი კოენების არაერთ ფილმში მონაწილეობს.1996 წელს გადაღებულმა ფილმმა, "ფარგო"-მ კი საუკეთესო მსახიობი ქალის კატეგორიაში ოსკარი მოაგებინა.
კოენებმა მსახიობების ამოჩემება იციან... ამოჩემება ორი გაგებით:
1. თუ სცენარის წერის პროცესში პერსონაჟზე წარმოიდგინეს კონკრეტული მსახიობი, ეს გმირი სწორედ მან უნდა განასახიეროს. არ აქვს მნიშვნელობა როგორ და როდის? არ სცალია მსახიობს? - მიატოვებენ სცენარის წერას, დაიწყებენ სხვა პროექტს და დაუბრუნდებიან პირველს, მაშინ როცა მათი რჩეული მსახიობი მოიცლის
2. თუ ითანამშრომლეს მსახიობთან და კარგად გაუგეს, მომდევნო პროექტებშიც მას რთავენ. ყოფილა შემთხვევები რომ პერსონაჟები ისე აღუწერიათ სცენარში, რომ მისადაგებოდა კონკრეტულ მსახიობს

ფილმების ზოგადი მიმოხილვა:

ძმებ კოენების "დაბრუნებად" წოდებული 2007 წლის ნამუშევარი 21-ე საუკუნის 10 საუკეთესო ფილმს შორის მე-5 ადგილზე დასახელდა. ოსკარზე წარდგენილი 8 კატეგორიიდან 4-ში გაიმარჯვა, მათ შორის საუკეთესო ფილმის, საუკეთესო რეჟისურის, საუკეთესო ადაპტირებული სცენარის და საუკეთესო მსახიობი მამაკაცი მეორეხარისხოვან როლში ნომინაციებზე. სიუჟეტი ვითარდება ტეხასში 1980 წელს, როდესაც სრულიად მოულოდნელად, გარჩევების და შეტაკების მსხვერპლებს გადააწყდება უდაბნოში ყოფილი ვეტერანი, ჯოშ ბროლინის პერსონაჟი, სახლში კი 2 000 000 დოლარით ხელდამშვენებული ბრუნდება, თუმცა წარმოდგენა არ აქვს რომ ხავიერ ბარდემის პერსონაჟი მასზე ასეთ უმოწყალო ნადირობას დაიწყებს.
პ.ს. როდესაც ხავიერ ბარდემს როლი შესთავაზეს ძმებმა, მან სცენარის წაკითხვის შემდეგ გაოცებულმა იკითხა "რატომ მე? მე ხომ ინგლისურად ცუდად ვლაპარაკობ, მანქანის ტარება არვიცი და ძალადობა მძულს", ძმებმა კი უპასუხეს - სწორედ ამიტომო.
როგორც იცით, No Country For Old Men გადაღებულია Cormac McCarthy -ის 1980 წლის იმავე სახელწოდების მქონე რომანის მიხედვით. წიგნში არის ეპიზოდი, რომელშიც ნარკოდილერები საუბრობენ რომ რამდენიმე ხნის წინ აქ - სანანტონიოში მათ ესროლეს და მოკლეს ფედერალური მოსამართლე. ეს მოვლენა რეალურად მოხდა 1979 წელს, თუმცა ფედერალური მოსამართლე ნარკოდილერებმა კიარა დაქირავებულმა მკვლელმა - ჩარლზ ჰარელსონმა მოკლა. ის გახლდათ მამა ვუდი ჰარელსონისა, რომელიც მონაწილეობს კოენების ფილმში. საინტერესოა, ძმებმა ამ ნიშნით შეარჩიეს მსახიობი თუ უბრალოდ ბედის ირონიაა?

ეს ნამუშევარი კოენების ფილმოგრაფიაში ჩემი ფავორიტია, აუცილებლად გირჩევთ დაუთმოთ დრო და მერე გამიზიაროთ შთაბეჭდილებები

"დიდი ლებოვსკის" სცენარის წერის დროს ჯეფ ბრიჯისს უცებ "საქმეები გამოუჩნდა" და ძმებმა დააპაუზეს უკვე დაწერილი 40 გვერდის გაგრძელება. თუმცა აღსანიშნავია ერთი ფაქტი, მათ სცენარის დასრულებამდე არ იცოდნენ ვინ განასახიერებდა The Dude -ს. ჯეფი უნდა ყოფილიყო სამეულში, ისევე როგორც გუდმანი და ბუშემი, გადაწყვეტილი იყო, თუმცა ეტანს სურდა მთავარი პერსონაჟი ჯონ გუდმანი ყოფილიყო, ჯოელს კი საერთოდაც სტივ ბუშემი უფრო წარმოედგინა ამ როლში. საბოლოოდ ძმები ბრიჯისის კანდიდატურაზე შეჯერდნენ

ფილმს საკმაოდ ცივად შეხვდნენ ფესტივალები და კრიტიკოსები, თუმცა მაყურებელმა ის მაშინვე აიტაცა. ფრთიანი ფრაზები, პერსონაჟების დიალოგები დღემდე პოპულარულია, გარდა ამისა, ყოველ წელს იმართება ფესტივალი, ე.წ. ლებოვსკიადა, რომლის ფარგლებშიც მონაწილეები თამაშობენ ბოულინგს, სვავენ და "ეღადავებიან" ერთმანეთს 

Burn After Reading / წაიკითხე და დაწვი

ძმებმა კოენებმა განაცხადეს,რომ ფილმის ძირითადი თემა იდიოტიზმი იყო.ხოლო ბრედ პიტისა და ჯორჯ კლუნის პერსონაჟები სრულ იდიოტებად იყვნენ გამოყვანილი."წაიკითხე და დაწვი",კოენებთან,კლუნის მესამე ნამუშევარია და ის ამბობს,რომ მათთან ერთად გაკათებულ ფილმებში,მისი სამივე პერსონაჟი იდიოტია და მისი იდიოტობის ტრილოგიადაც კი მიიჩნევს.

A Serious Man - კრიტიკოსების ნაწილის აზრით, სადიზმამდე მისული არაპოლიტკორექტულობით, კაცობრიობის გამაშარჟებელი ამპარტავნობითა და ზიზღით, ღმერთის დაცინვითა და ღმერთის როლის მორგებით კოენებმა სცადეს ეთქვათ, რომ ადამიანის არსებობა და მისი არსის გააზრების მცდელობა უშედეგოა, თუმცა მათზე შეიძლება გულიანად იცინო.
კრიტიკოსების მეორე ნაწილი, ამ ნამუშევარს ძმების ყველაზე "მომწიფებულ" ფილმად მიიჩნევს. ისინი თვლიან, რომ ყველას არ შეუძლია როგორც ნამუშევრის პროლოგის დანიშნულება ისევე მთლიანი ფილმის არსი გაიგოს. თუმცა რეჟისორების მთავარ მესიჯად იღებენ ჰიპოთეზას , რომ ამ ქვეყნად ყველაფერი შემთხვევით ხდება, სრულიად უმიზეზოდ და ამ ფაქტების სერიისგან შედგება ადამიანის ცხოვრება. ერთნი ეგუებენ ამას, მეორენი კი ყველაფრის გააზრებას და გათვალისწინებას ცდილობენ.

აუცილებლად საყურები ფილმია მეგობრებო, გირჩევთ დაუთმოთ დრო

ძმები კოენების 1984 წლის სადებიუტო ფილმი, რომელიც
კინო კლასიკად არის მიჩნეული როგორც კრიტიკოსები ისე მაყურებლების მიერ, ამ ფილმა მსოფლიოს აჩვენა რომ ძმები კოენები განსაკუთრებულ ადგილს დაიკავებდნენ კინოს ისტორიაში. თვითონ ფილმი საკმაოდ ბნელი ნოარია, რომელიც ეხება მკვლელობებს, ღალატს და ყველაფერს რაც კარგ ფილმს ქმნის. აღსანიშნავია, რომ ფილმში არის შავი იუმორი , რომელიც ცოტა არ იყოს ამ ჟანრისთვის უცხოა.

ეს ფილმი გახლავთ პირველი ნოარი, რომელიც ვნახე და დღემდე ერთ-ერთი ფავორიტი, თუკი მოგწონს ბნელი, ორიგინალური ვიზუალური სტილის ფილმები გირჩევთ ნახოთ. 

1987 წლის კომედიაში Raising Arizona ნიკოლას კეიჯის პერსონაჟის ბავშვს 15 ახალშობილი განასახიერებდა. ერთ-ერთი მათგანი კი ძმებმა კოენებმა დაითხოვეს, რადგან მიუხედავად კონტრაქტის მიხედვით წაყენებული მკაცრი მოთხოვნებისა, ბავშვმა გაბედა და გადაღებების პროცესში სიარული დაიწყო ^_^

True Grit კინოს ისტორიაში გახლავთ ყველაზე უიღბლო რიმეიქი. კოენების 2010 წლის ნამუშევარი ოსკარის 10 ნომინაციაზე იყო წარდგენილი და ყველაში დამარცხდა. მაშინ როცა, ორიგინალი ფილმი 1969 წელს წარდგენილი 2 ნომინაციიდან ერთი ოქროს ქანდაკების მფლობელი გახდა








Inside Llewyn Davis კოენების 2013 წლის ფილმი რომელიც 2 ოსკარზეა ნომინირებული. ფილმის სიუჟეტი მიჰყვება მუსიკოს Llewyn Davis , რომელიც ცდილობს გაუმკლავდეს ცივ ზამთარს და გახდეს კარგი მუსიკოსი. ფილმი არის კარგად დაწერილი , კარგი იუმორით სავსე და ცოტა მელანქოლიური. მართალია არც ისე ორიგინალურია, მაგრამ თავისი სინემატოგრაფიით , ვიზუალებით და მუსიკით ქმნის ისეთ ატმოსფეროს , რომელიც ბოლომდე ჩაგითრევს ამ პერსონაჟის ცხოვრებაში. Oscar Isaac არის მთავარ როლში და შემიძლია გითხრათ რომ ბრწყინავს. ფილმს რათქმაუნდა უნაკლო არ არის , მაგრამ ძალიან მიყვარს და გირჩევთ ნახოთ, განსაკუთრებით თუკი 60 იანების ფოლკ მუსიკა მოგწონთ.




ძმები თანაბარი დოზით მონაწილეობენ ფილმებისთვის სცენარის წერის, მისი გადაღებისა და პროდიუსირების პროცესში, თუმცა The Ladykillers გახლდათ ერთადერთი ნამუშევარი მათ ფილმოგრაფიაში, რომლის შესახებაც მოსაზრებები იმდენად განსხვავებული და მწვავე პოლემიკის გამომწვევი იყო, რომ კოენები ოფიციალურად შეთანხმდნენ - ჯოელი რეჟისორის ფუნქციებს გაითავისებდა, ეთანი კი პროდიუსერობას იკისრებდა. უნდა აღინიშნოს, რომ ორივე ძმამ პირნათლად შეასრულა პირობა და არ ჩარეულა მეორის საქმეებში.

1996 წელს ფარგოში ჯერი ლუნდეგაარდის როლის მისაღებად William H. Macy კასტინგი გაიარა და რამდენიმე დღეც ელოდა პასუხს,თუმცა უშედეგოდ. აღშფოთებული მსახიობი გაფრინდა ნიუ-იორკში, სადაც კოენები იმწუთას იმყოფებოდნენ, დაუპატიჟებლად დაადგა თავს რეჟისორებს და უთხრა:
- ძალიან, ძალიან ვღელავ რადგან შესაძლოა ამ როლის სხვისთვის მიცემით თქვენ ფილმი ნაგავში მოისროლოთ. მე ვარ დაბადებული ამ პერსონაჟის განსასახიერებლად და თუ არ დამამტკიცებთ, თქვენს ძაღლებს ჩავაძაღლებ.
-ჩვენ ძაღლები არ გვყავს, მაგრამ როლი მაინც შენია, - უპასუხეს აღფრთოვანებულმა ძმებმა.






"აუტანელი სისასტიკე" კოენების ფილმოგრაფიაში ყველაზე სუსტად მიიჩნევა. რომანტიულმა კომედიამ ვერ გაამართლა ის მოლოდინები, რომელსაც კრიტიკოსები მასზე ამყარებდნენ, თუმცა მაყურებლებში მან მალევე მოიპოვა დიდი სიყვარული. აღსანიშნავია, რომ "ამოჩემებულმა" მსახიობმა ჯორჯ კლუნიმ თავად აირჩია მისი პარტნიორი კეტრინ ზეტა ჯონსი.








Miller's Crossing -ზე მუშაობის პროცესში კოენებს შემოქმედებითი ჩიხი შეხვდათ, მათ არ შეეძლოთ სცენარის წერის გაგრძელება, ამიტომ შეწყვიტეს, დაუბრუნდნენ Barton Fink-ის სცენარს - რომელიც გახლავთ ასევე შემოქმედებით ჩიხში მომწყვდეულ მწერალზე, დაასრულეს მისი წერა და მერე მიუბრუნდნენ პირველ სცენარს.